Reglulega kemur upp í umræðunni að við sem þjóð séum orðin feitari en hinir og þessir eða þyngri en hinir og þessir. Gjarnan koma þá fram spekúlantar sem segja að eitthvað þurfi að gera í þessu. En aldrei gerist neitt.
Ég veit ekki betur en að eina opinbera prógrammið niðurgreitt af ríkinu sé að fara í offituprógramm á Reykjalundi og í aðgerð. Það er hægt að gera betur.
Ég sé fyrir mér að sett yrði á laggirnar deild á Landsspítalanum sem tæki við fólki með BMI yfir viss mörk. Maður kæmist þangað með tilvísun frá lækni. Þar hitti maður lækna, hjúkrunarfræðinga, sjúkraþjálfa, einkaþjálfa jafnvel og næringarráðgjafa. Þar væri sett saman einstaklingsmiðað margra vikna prógramm með eftirfylgni.
Það er ekki nóg að segja að feita fólkið sé ógeðslegt og eigi að drífa sig í megrun. Höfum við ekki lært af reynslunni ennþá? Við erum búin að vera að TALA um þetta í mörg ár. Nú er kominn tími til að GERA eitthvað!
