Jæja, þá er komið að núllstillingu. Ég datt svona svakalega í það núna, hehe. Ég var semsagt á Akureyri með tengdafjölskyldunni þar sem mágkona mín var að útskrifast. Það var ekki mikið um hollustufæði, aðallega junk en ég hefði samt getað valið betur. Eins var ávallt nammi á borðum og ég sökkti mér í það! En ég hef náttúrulega engum um að kenna en sjálfri mér! Ég hefði alveg getað keypt mér minn eigin mat og eldað og ég hefði alveg getað sleppt namminu! Ég ætla samt ekkert í neina niðurrifsstarfsemi. Þetta er búið og gert og það besta sem ég get gert er að núllstilla mig og halda ótrauð áfram!

Þessvegna er þessi vigtun deginum fyrr en venjulega, ég vil núllstilla mig sem fyrst. Eins er ég að fara austur í fyrramálið og við tekur vinnutörn svo ég mun ekki hafa orku í blogg fyrst um sinn!

En að tölunum! Ég stóð semsagt í stað þrátt fyrir allt! Var satt best að segja að búast við þyngingu upp á kíló eða svo! En ég virðist reyndar ekki hafa farið í bjúgsöfnun og ég reyndi að halda blóðsykri jöfnum með eplaediki og trefjum svo það hefur kannski bara bjargað málunum.

Svo stefni ég bara á kíló í næstu viku.