Jæja! Ég steig á vigt í morgunsárið og var þá 106,8 kíló! Þessi tala þýðir að ég léttist um 1,7 kíló þessa vikuna! Maður fer að pæla hvort ég sé að borða of lítið en nei, ég held ekki. Ég líka þyngdist í seinustu viku og það var BARA VATN. Ég var að sökkva í bjúg svo ég gæti meira að segja hafa lést eitthvað þá.

Samtalan er þá 42,9 og svona lítur tikki minn út þessa dagana. Er að renna sér niður brekkuna nice and smoothly.

En ég er ekki búin enn! Neinei! Ég fór í vigtun inni í Garðabæ, bara til að tjékka inn hjá þeim, þær hafa örugglega verið farnar að hafa áhyggjur af mér. Samkvæmt þeirra vigt er ég 107,7 kíló um miðjan dag. Sibba var svaka stolt af mér og var nánast orðlaus, hehe. Spurði hvort ég ætlaði að vera á fundi og þegar ég sagði nei þá spurði hún hvort hún mætti ekki monta sig að mér og það var auðvitað sjálfsagt.

Þótt ég sé farin að telja hitaeiningar núna þá er þessi léttingur samt nánast allur danska að þakka. Danski kom mér svona svakalega á sporið og án hans væri ég ekki komin svona langt.

Ég fór líka í fitumælingu og var svakalega gaman að sjá hvað kom út úr henni!

BMR kcal Grunnefnaskipti, efnaskipti í hvíld í kílókaloríum
Fat% Fita í prósentum
Fat mass Fituvefsmassi, fituvefur í kílóum
FFM Líkamsmassi sem ekki er fita
TBW Heildarvatnsmagn í líkamanum

Eins og þið sjáið þá hef ég aðallega misst fitu þessi 10 kílóin, hef í raun bætt á mig vöðvamassa (200 g) og vökva (200 g) og misst 9,9 kíló af pjúra fitu. Heildartalan sem ég hef misst er 9,7 kg svo þið sjáið að þetta er meira en 100% fitumissir. Bara gleðilegt sko! Var farin að hafa pínu áhyggjur að ég væri að gera eitthvað vitlaust og farin að ganga á vöðvana en svo virðist ekki vera!

Jæja þá er ég að hugsa um að slútta þessu í bili. Ég mun svo að sjálfsögðu leyfa ykkur að fylgjast með mér fyrir austan enda kemur fartölvan trygga með mér.