Það er mikið að gerast í mínu lífi þessa dagana og hef ég ákveðið að flytja austur í sumar. Ég er hætt í vinnunni hérna, allt í góðu þar og skilningur á mínum aðstæðum. Ég er búin að fá starf fyrir austan og er bara spennt.

Ég er búin að ganga í svo miklar breytingar á sjálfri mér síðastliðið árið og tel ég þetta næsta skref. Eftir að hafa greinst með sjúkdóm í byrjun seinasta árs tók að létta yfir lund minni, skringilegt já en satt! Allt í einu fór þunglyndi og kvíðatruflanir sem ég hafði glímt við frá barnæsku að dvína. Í kjölfarið á því gat ég farið að takast á við þyngd mína og hef núna náð góðum árangri þar. Nú er komið að næsta skrefi; að skilgreina mig sem einstakling upp á nýtt og kynnast mér aftur.

Ég er stolt af mér þessa dagana því þetta er ekkert auðveld ákvörðun! Eins þá þrátt fyrir erfiða daga hef ég staðið mig nokkuð vel í matarmálum og býst við létting á morgun.

Ég hef ekkert áætlað að slaka mikið á fyrir austan. Ég held áfram að telja hitaeiningar og stefni á að vera milli 1200 – 1800 hitaeiningar, 1500 sem meðaltal yfir vikuna. Eins ætla ég að reyna að fara með vinkonu minni í ræktina og svo er rosa fín sundlaug þarna. Svo verð ég líka bíllaus þannig að labb fram og til baka mun styrkja fæturna.

Ég kem svo með nýjustu tölur á morgun!