Jæja þá er enn ein vikan liðin, þær eru farnar að vera ansi margar á danska.

Eníveis, mér gengur alveg sæmó, held að ég sé farin að vera aðeins of líbó á þetta allt saman, þarf aðeins að stíga á bremsurnar og taka mig í tékk. Ég er samt ekkert að fara neitt yfir strikið. Æi hvað er ég að blekkja mig, er farin að fara fullt yfir strikið með hlutum sem eru ekki svo vel séðir á danska!

Ég er farin að taka að láni extra frá næstu viku, fór s.s. 1 1/2 kross fram yfir þessa vikuna, eins át ég ótrúlega mikið af sykurlausu rusli og tyggjói, örugglega meira en fimm á dag. Eins hef ég farið yfir leyfilegan kjötskammt og líka undir og tel mér trú um að þetta balance’ist nú út. En þetta gengur ekki út á það! Ef ég ætla að borða eftir danska þá þýðir þetta ekki lengur því danski gengur jú út á nákvæma vigtun frá a – ö!

Á ekki von á neinu sérstöku frá vigtinni á morgun og þá ekki bara vegna þessa synda heldur er ég með þvílíka vöðvabólgu og bólgnir vöðvar mínir safna alltaf vökva.

En að skemmtilegri fréttum, fjárfesti í gær í ísvél og matvinnsluvél. Ætla að vígja ísvélina í kvöld og svo prófa ég matvinnsluvélina bráðum. Verð með partý á eurovisionkvöld og ætla að bjóða upp á mexíkóska súpu og quesadillas, þá mun hún koma sér vel.

Later!