Jæja, ég hef ekki mikla trú á þessari viku. Er búin að vera ofsalega þrútin öll og eitthvað léleg. Stalst svo á vigtina og er alveg kílói þyngri en í seinustu vigtun… En maður heldur samt bara áfram. Þetta er svo sem bara mér að kenna, fór í vinnudjamm á föstudaginn, langaði ekkert spes en vildi ekki vera party pooper. Það var samt voða gaman, borðuðum indverskan, ég valdi rétti sem voru bara með grænmeti og kryddblöndu en borðaði svo ALLT of mikið af hrísgrjónum og nan brauði. Svo þurfti ég að drekka eins og 3 sopa af sykraðri súrmjólk þar sem einn rétturinn var svo sterkur að mig hreinlega sveið í hálsinn og vatn var ekkert að virka. En ég borðaði samt ekkert meira og drakk auðvitað ekki neitt. Svo dönsuðum við eins og vitleysingar og skemmtum okkur, var svo reyndar vinna daginn eftir og ég var ekki alveg að fýla það að vinna á laugardegi, finnst helgin alveg fara í súginn. En það venst sjálfsagt.

Svo þurfti ég bara að læra í dag svo þetta var í raunar frekar lame helgarfrí. En ég náði samt að klára verkefnin þannig að annar áfanginn er búinn fyrir utan lokapróf. Verður bissý vika, þarf að klára verkefni og læra undir próf og vinna og og og *dæs*. En svo verða próf 7. og 9. maí og eftir það verður bara vinna fram að hausti þegar ég byrja í Háskólanum. Víí!

En vikan mín leit svona út:

Skyldan:
Fiskur 5 1/2x
Kjöt 3x
Egg 4x

Valið:
Kjúklingur 2 1/2x
Feitur ostur 4x
Magur ostur 2x
Morgunkorn 3x

Extra:
21/21 krossar

—

Æi mig langar að léttast þessa vikuna, vona það. Langar að ná helmingsmarkinu sem eru 1,3 kíló. Samkvæmt léttings sögunni gæti það alveg gerst svo ég vona bara að þetta sé vatn sem fari eða að vigtin mín sé að ljúga að mér. Ég allavega gefst ekkert upp, þarf samt kannski meira pepp og stuðning ef ég fæ slæma niðurstöðu.