Er búin að vera að fullkomna túnfisksvefjuna mína upp á síðkastið, held að ég sé komin með ágætis uppskrift núna!

Túnfisksvefja

1 tortilla (60 grömm)
60 g túnfiskur
1 harðsoðið egg
50 g rauðlaukur
30 g létt majó (eða majó/sýrður rjómi)
2 blöð lambhagasalat
4 gúrkusneiðar
6 ræmur appelsínugul paprika

Skerið eggið og laukinn, blandið vel saman við majó og túnfiskinn. Leggið salatblöðin yfir tortilluna, þar ofan á túnfisksalatið, svo agúrkurnar og paprikurnar. Lokið síðan og borðið með góðri lyst. Þetta eru svona 140 grömm af grænmeti svo það þarf eitthvað að bæta við. Annars er örugglega gott að setja gulrótaræmur með líka, sérstaklega á sumrin meðan þær eru sætar og góðar. Mjög hentugur hádegismatur.