Já, hef tekið eftir því upp á síðkastið, hef verið að vakna fyrr og allt í einu virðist vikan miklu lengri.

Annars er vigtun á morgun, ég vona nú eftir einhverjum létting en það kemur allt í ljós. Á móti mér eru nokkrir þættir: Ég var að byrja að lyfta, þetta mánaðarlega er handan við hornið, ég fullnýtti nánast extrað.
Meðbyrinn er hinsvegar líka til staðar: Ég var 100% alla vikuna, ég er farin að vakna fyrr og þar af leiðandi brenna meira, ég er farin að hreyfa mig meira, ég borðaði mikið af fisk.

En svo er óþekkta breytan, og sú sem skiptir mestu máli, líkaminn. Hann er dyntóttur eins og við þekkjum öll. En maður getur bara vonað og gert sitt besta!

Síðasta vika var nokkuð góð, en svona leit hún út:

Skyldan
Fiskur 6x
Kjöt 3x
Egg 4x
Lifur 1x

Valið
Kjúklingur 2 1/2x
Feitur ostur 3x
Morgunkorn 3x

Extra
20/21 kross

–

Mér er ekki að takast nógu vel að halda í við mig með extrað. Þetta er aðallega ísinn og svo í matinn. Nota orðið mikið teninga í súpur og rétti og það telur fljótt. Tómatsósan telur svo, en ég nota 3 teskeiðar á borgarann minn. Svo smáhlutir eins og sinnep og svona. Í raun er ég ekkert í neinu óhófi, nema á ísnum. Ætti að reyna að takmarka mig við ís 2x í viku. Svolítið erfitt þegar viss aðili á heimilinu er alltaf að éta nammi, kex, snakk etc. *hint* Þessi vissi aðili keypti sér páskaegg númer 5 þakka þér fyrir og ætlar að vera að maula á því alla páskana. Eins og venjulega verður eggið í djúpum disk á stofuborðinu alla páskana. Þetta á eftir að verða þraut en mér skal takast þetta! Ætla sko ekki að borða svo mikið sem einn súkkulaðibita! Frekar leggst ég þá á beit í ís og eplapæ og kanilsnúða að hætti DDV.

En ég kveð ykkur nú að sinni! Kem svo vonandi með góðar fréttir á morgun.