Matarboðið mitt færðist upp um dag og var í kvöld, ég lagaði súpuna og kom hún mjög vel út í þetta skiptið.

Mexíkósk súpa f. sex
3 rauðlaukar, mjög smátt skornir
6 hvítlauksgeirar, pressaðir
2 msk olía
3 dósir niðursoðnir tómatar, maukaðir
1 stór teningur kjúklingakraftur (eða 3 litlir eða 3 tsk)
1 stór teningur nautakrafur (eða 3 litlir eða 3 tsk)
3/4 l tómatsafi
Vatn í einni tómatdós
3 tsk kóríander
3/4 – 1 tsk chili duft
3/4 – 1 tsk cayenne pipar

Hitið olíu í potti og látið lauk malla rólega í nokkrar mínútur eða þangað til hann byrjar að verða mjúkur. Bætið hvítlauk saman við og hrærið áfram í stuttu stund. Passa verður að hvítlaukurinn brúnast ekki því þá verður hann bitur og vondur. Blandið öllum hinum hráefnunum saman við og látið malla með loki í 25-30 mínútur. Hrærið í af og til.

2-3 kjúklingabringur (má sleppa)
1 dós 10% sýrður rjómi, hrærður
1 poki pizzuostur
Nokkrar Doritos Dippas (fyrir þá sem eru ekki á danska)

Skerið kjúklingabringurnar í bite size bita og steikið á pönnu þar til gegnumsteiktir. Vigtið 400 grömm af súpu á hvern disk og 40-60 g af kjúkling þar ofan í. Skreytið hverja súpu með smá sýrðum rjóma (25-50 g) og 25 g pizzaosti. Fyrir þá sem eru ekki á danska er gott að setja nokkrar flögur út í líka.

Sé súpunni skipt í sex skammta er 1 extra kross í hverjum skammti.

Mér finnst súpan eiginlega betri án kjúklingsins og nota ég þá 25 grömm af osti í súpuna og geri mér svo Quesadillas með öðrum 25 g af osti.

Quesadillas fyrir 4 gráðuga
8 litlar tortillur (45 g stykkið)
200 g taco sósa
1/2 gul paprika
1/2 rauðlaukur
50 g sýrður rjómi (10%)
Pizzaostur

Skerið paprikuna og laukinn mjög smátt og blandið saman við tacó sósuna og sýrða rjómann. Hitið eina tortilla köku á þurri pönnu og stráið 12,5 grömmum af osti yfir hana. Látið lok yfir pönnuna og leyfið ostinum að bráðna. Setjið svo u.þ.b. 1/8 af taco blöndunni á annan helminginn og brjótið kökuna saman. Leyfið kökunni að hitna í smá tíma
og setjið svo á disk. Endurtakið 8 sinnum. Skerið hverja köku í 3 þríhyrninga og berið fram.

Hverjir sex bitar eru þá 25 g af osti, 50 g taco sósa (1 extra kross), 1/4 mjólkurskammtur og smá grænmeti. Þetta eru 90 grömm af brauði svo þið verið að geyma allan brauðskammtinn og selja einn ávöxt.