Mér gengur vel í þessu átaki innan átaks. Hef ekkert extra borðað og er á góðu róli með það. Ég er núna búin að borða fisk 3x í vikunni og fyrir rest verður það 5-6x. Það er svo sem ok, en ég stefni á fisk 1x á dag í næstu viku eða því sem svarar því. Gosið er ekki jafn auðvelt, á miðvikudag fékk ég mér tvö glös og hélt mér því innan marka en í gær fékk ég mér 3 glös. Ég var í afmælisboði og fékk mér tvö glös þar og svo þurfti kallinn endilega að fara að drekka gos um kvöldið og ég stóðst ekki mátið. Vona að hann fari að hætta þessu litla átvaglið mitt atarna! Hann er á sífelldu kex, nammi, gos etc. sumbli alla daga. Hann hefur í raun versnað eftir að ég byrjaði á danska. Ætli hann hafi ekki takmarkað þetta í denn af því að hann vildi ekki halda þessu að mér. Samt er drengurinn alltaf í neðri mörkum eða undir kjörþyngd. *dæs* Og já, hann er ekki að æfa! Óþolandi misskipt þessi grunnbrennsla og hneigingar til fitusöfnunar.

En anyways, ég verð með matarboð á morgun. Ætla að gera súpuna mína góðu, þarf að fiffa uppskriftina eitthvað til, hún er ekki alveg að duga. Upphaflega gerði ég bara einn skammt og svo þegar ég margfaldaði hana þá fór hún í klessu, eða raunar í vatn! Lap þunnt helvíti alveg.

En ég er farin babes, Nóra litla vill athygli, henni leiðist þessi endalausa bloggmennska í mér alltaf hreint.