Dídí í átaki

Ég ku vera enn á lífi en gírinn, hann er fyrir löngu týndur og ég bara man ekki hvar ég setti hann!

Er bara að þjösnast við að koma mér í gegnum fullt háskólanám á hálfum orkutanki og allt sem ekki er lærdómur hefur setið á hakanum, nema reyndar félagslífið, hef stundað það grimmt!

Ég er samt alltaf að leita að þessum gír, vonandi fer hann að koma í leitirnar.

Vúhú! Léttist um 1,1 kíló þessa fyrstu viku! Ótrúlega ánægð með þetta. Þrátt fyrir þennan mikla létting get ég ekki sagt að ég hafi verið svakalega dugleg, ég hef talið allar hitaeiningar en verið yfir markmiði að jafnaði, eins og ég segi þá er ég að mjaka mér í gírinn og þessi léttingur núna hjálpar mér bara að halda áfram.

Þar til næst!

Vigtaði mig loks eftir langt hlé og jújú ég hafði þyngst! Er núna 114,8 kíló. Er líka búin að hækka takmarkið upp í 85 kíló, skoða það svo aftur þegar ég næ því.

Þessa dagana er ég að reyna að borða kringum 1700 hitaeiningar á dag, það er miserfitt eftir dögum, er að trappa mig niður í kannski 1500-1700 og sjá hvernig það gengur. Stefni líka á leikfimi 3x í viku.

Heyrumst seinna.

Ég fór til læknis áðan en hún vildi ekkert gefa mér við bjúgnum, þetta eru að öllum líkindum aukaverkanir af lyfjunum sem ég er á og ekkert við þeim að gera. Ég á bara að halda áfram að drekka eplaedik og grænt te.

Vigta mig þá líklega á næstunni og hendi inn tölunni, hversu ljót sem hún kann að vera!

Nei ég er sko ekki í neinum gír, nema bakgír skuli heita! Ég er ekki búin að vigta mig neitt enda er ég svamlandi í bjúg, þetta er farið að verða leiðigjarnt ástand og ekki tengt mat að mér virðist svo ég ætla að ræða þetta við lækninn minn, hvort þetta séu aukaverkanir af lyfjum.

Ekki fyrr en ég get losað eitthvað af þessum bjúg stíg ég á vigt en ég á samt von á að hafa þyngst.

Ótrúlega bissý kona þessa dagana, kennsla formlega búin í dag en þá tekur við prófalestur og svo próf. Verð laus 17. desember og þá eru bara nánast komin jól!

Ég missti 100 grömm núna! Betra en ekki neitt! Ég er því 109,3 kíló og stefni á betri tölu eftir viku. Auðvitað engan svaka létting enda verð ég mest að húka yfir bókum en vonandi stefnir það niður allavega. Vona að öllum gangi vel á og þið njótið helgarinnar enda er 1. í aðventu á sunnudag.

Hef engan tíma í blogg, en vildi láta vita af stöðunni, stóð í stað með 109,4 kíló. Laters!

Jæja, hehe, ekki fór þessi vika alveg á þann veg sem planað var! Á erfitt með að koma mér í gírinn og er eiginlega bara að þyngjast á gífurhraða!!! Komin upp í 109,4 kíló!!!!!!!

Ég get ekki sagt að mér gangi vel þessa dagana, ég er að reyna að einblína á að halda jákvæðninni. Ég er nú eftir allt búin að missa yfir 40 kíló!

Þessa dagana er ég ekki beint að pæla að komast í 75 kíló, langar að komast undir 100 fyrir það fyrsta, það væri geðveikur sigur sem ég voni að komi fljótlega… Svo er ég staðráðinn í að komast undir 90 kíló. Eftir það er ég eiginlega, allavega í bili, að spá í að skoða bara stöðuna. Það er rosalega mikið að léttast um 75 kíló á 2-3 árum og kannski ekki endilega það sem ég þarf að gera! Eins og ég segi, þetta er bara að rúlla um í hausnum á mér þessa dagana, en eina sem ég veit er að ég verð að halda jákvæðninni og halda áfram, koma mér í tveggja stafa tölu og í tiltölulega heilsusamlega þyngd. 

Annars er allt of mikið að gera í skólanum en það er samt ótrúlega gaman hjá mér.

Vonandi hef ég skemmtilegri fréttir að færa ykkur í næstu viku!! Bara 7 vikur til jóla! :O

Já ég ákvað að byrja að telja upp á nýtt, þykir það hæfa nýrri byrjun.

Ég vigtaði mig allavega í morgun og brá all illilega! Var 109,1 kíló!!! Ég verið að vigta mig reglulega en ekki séð svona tölu, hæst séð í kringum 108 þannig að ég dreg þá ályktun að allt þetta sukk hafi leitt að vökvasöfnun, en það þýðir bara að talan verði flottari eftir viku! Ég er s.s. byrjuð í átaki aftur og ætla að vera ströng fram að jólum. Það þýðir danski en með smá twist, ég ætla ekki að tapa mér í krossum og veseni en bara haldi grunninum. Svo ætla ég að reyna að taka inn einhverja hreyfingu, byrja hægt og stefni á að fara allavega einu sinni í ræktina í þessari viku. Svo verður bara spennandi að sjá hvernig þetta mun líta út eftir viku!!

Við erum nokkrar sem erum í keppni um að ná af okkur 5 kílóum fyrir jól, ég hef ákveðið að vera með í því! Ég ætla að stíga á vigt á mánudag og miða við þá tölu. Planið er að taka danska á þetta, allavega fram að jólum, kannski verður það ekki alveg danski út í gegn, meira svona danski að grunninum með mínar áherslur til hliðsjónar. Eftir áramót stefni ég svo á 500 grömm á viku eða svo, engin gífurleg pressa en samt halda áfram að léttast.

Annars er ofsalega mikið að gera hjá mér í skólanum en samt æðislega gaman, það er frábært að finna að maður sé á réttri hillu í lífinu.

Later beibs!